Ro pamilya Sarol hay naga estar sa binit it baybay sa Barangay Colong-colong, Ibajay, Aklan. Ro andang baeay hay tagpi-tagpi ngani maka-eo-eo-oy gid tan-awon. Sanda hay nagapangabuhi paagi sa pag-obra it ku-eon ag kalan. Malisod gid dumdumon ro hayrang trabaho ay ro daga(eapok) nga ginagamit sa pag-obra it kueon ag kalan hay gina-bu-oe pa sa bukid nga ma-eayo sa andang baeay.
Ugaling ay owa man sanda it pilian nga pangita ngani gatiis lang sanda agud may makaon bisan comporme sa adlaw-adlaw, kapin pa nga siyam sanda tanan sa ba-eay. Ag eakip pa kara, ro andang Lolo nga otsenta (80) anyos eon ro idad hay kaibahan pa nanda. Kostumbre gid abe it Pilipino nga ru ginikanan con magueang ag indi eon ka obra hay ginatatap ag gina depara it anang mga onga hasta sanda madu-ea iya sa kalibutan.

Nakatapak man it high-school ro mag-asawa ngara pero ro mga onga hay grade six gid lang iya sa Ibajay Central School tungod nga pirmi ga absent ay owa it pamahaw ag ba-eon. Ma-eayo man abe ro eskuylahan halin sa andang baeay. Eabot pa nga ku-eang sanda it mga na-ug o eambong ag gamit para sa pag eskuyla.

Lolo: Orbano Belauro 80 anyos

Tatay: Edito Sarol 52 anyos

Nanay: Agnesia B. Sarol 41 anyos

Mga onga:

Niña B. Sarol 17 anyos

Eliza B. Sarol 16 anyos

Paul B. Sarol 15 anyos

Dennis B. Sarol 13 anyos

Aiza B. Sarol 7 anyos

Aaron B. Sarol 6 anyos

Edrian B. Sarol 5 anyos

 

Address: Mr. & Mrs. Edito Sarol,Colon-colong, Ibajay, Aklan 5613, Philippines